കോട്ടയം:ദളിത് ക്രൈസ്തവ സംവരണത്തിന് കേരള പുലയര്‍ മഹാസഭ എതിരല്ലെന്ന് കെ.പി.എം.എസ്. രക്ഷാധികാരിയും പട്ടികജാതി-പട്ടികവര്‍ഗ സംയുക്ത സമിതി ജനറല്‍ കണ്‍വീനറുമായ പുന്നല ശ്രീകുമാര്‍ പറഞ്ഞു. കെ.പി.എം.എസ്. കോട്ടയം ജില്ലാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കേരളത്തിലെ 30 ലക്ഷത്തിലധികം വരുന്ന പട്ടികവിഭാഗം ജനതയ്ക്ക് പന്ത്രണ്ടര ശതമാനം സംവരണത്തിന് അര്‍ഹതയുണ്ട്. എന്നാല്‍, 10 ശതമാനം സംവരണമാണ് ഇന്നുള്ളത്. ഇത് പങ്കുവയ്ക്കുന്നതരത്തില്‍ ദളിത് ക്രൈസ്തവരെ പട്ടികജാതി ലിസ്റ്റില്‍ ഉള്‍പ്പെടുത്തുന്നതിനെയും പട്ടികജാതി പദവി നല്കുന്നതിനെയുമാണ് കെ.പി.എം.എസ്. എതിര്‍ക്കുന്നതെന്നും പുന്നല ശ്രീകുമാര്‍ പറഞ്ഞു. സമ്മേളനത്തില്‍ മഹാസഭയുടെ സംസ്ഥാന അധ്യക്ഷന്‍ പി.കെ. രാജന്‍, ജനറല്‍ സെക്രട്ടറി ബൈജു കലാശാല, സംസ്ഥാന ട്രഷറര്‍ ആര്‍. പ്രസന്നന്‍, എസ്.സി.-എസ്.ടി. സംയുക്ത സമിതി സെക്രട്ടേറിയറ്റ് അംഗം കെ.കെ. പുരുഷോത്തമന്‍, കെ.പി.എം.എഫ്. ജനറല്‍ സെക്രട്ടറി ശാന്താ ഗോപാലന്‍, കെ. കുട്ടപ്പന്‍, ഇ.ജെ. തങ്കപ്പന്‍, എ. സനീഷ്‌കുമാര്‍, പി. സജീവ്കുമാര്‍, അനീഷ് വാഴപ്പിള്ളി, സരസമ്മ കുഞ്ഞുകുട്ടി തുടങ്ങിയവര്‍ സംസാരിച്ചു.
No comments:
Post a Comment