Thursday, 23 February 2012
പഞ്ചമി കണ്‍വീനര്‍മാര്‍ക്കുള്ള പരിശീലനം
കൊച്ചി: ദാരിദ്ര്യത്തിന്റെ തീക്ഷ്ണത ഏറ്റവും അധികം അനുഭവിക്കുന്ന അടിസ്ഥാന ജനതയുടെ ജീവിതത്തില്‍ കാതലായ മാറ്റങ്ങള്‍വരുത്തി ദാരിദ്ര്യനിര്‍മാര്‍ജനം യാഥാര്‍ഥ്യമാക്കുന്ന കാര്യത്തില്‍ നിലവിലുള്ള സ്വയംസഹായ സംരംഭങ്ങള്‍ പരാജയപ്പെട്ടതായി കെ.പി.എം.എസ്. രക്ഷാധികാരി പുന്നല ശ്രീകുമാര്‍ അഭിപ്രായപ്പെട്ടു., ഈ സാഹചര്യത്തില്‍ അടിസ്ഥാനജനതയുടെ ദാരിദ്ര്യനിര്‍മാര്‍ജന പ്രക്രിയയില്‍ നിര്‍ണായക പങ്കുവഹിക്കുന്നതിന് 'പഞ്ചമി'യെ സജ്ജമാക്കുകയാണ് പ്രധാന ലക്ഷ്യം., ജില്ലയിലെ പഞ്ചമി കണ്‍വീനര്‍മാര്‍ക്കായുള്ള വ്യവസായ സംരംഭകത്വപരിശീലനം ഉദ്ഘാടനം ചെയ്യുകയായിരുന്നു അദ്ദേഹം., പഞ്ചമി സംസ്ഥാന ചെയര്‍മാന്‍ പി.കെ.രാജന്‍ അധ്യക്ഷത വഹിച്ചു. കെപിഎംഎസ് ജനറല്‍ സെക്രട്ടറി ബൈജു കലാശാല, കെ.കെ.പുരുഷോത്തമന്‍, ശാന്താ ഗോപാലന്‍, കെ.വിദ്യാധരന്‍ തുടങ്ങിയവര്‍ സംസാരിച്ചു., സി.എം.ഡി. ഫാക്കല്‍റ്റി കെ.ടി.ജോബ്, വി.ശ്രീധരന്‍ തുടങ്ങിയവര്‍ ക്ലാസ്സുകള്‍ നയിച്ചു., പഞ്ചമി സ്റ്റേറ്റ് കോ-ഓര്‍ഡിനേറ്റര്‍ പാച്ചിറ സുഗതന്‍ സ്വാഗതവും കെപിഎംഎസ് ജില്ലാ സെക്രട്ടറി കെ.എ.സിബി നന്ദിയും പറഞ്ഞു.
Subscribe to:
Post Comments (Atom)
No comments:
Post a Comment